حذف حسابك من كوافيري

عبّي المعلومات تحت، وبينفتح معك واتساب والرسالة مكتوبة جاهزة. إنت يلي تبعتها. لما توصلنا، منتأكّد إنّ الرقم يلي بعت هو رقم الحساب، ومنرد عليك بالخبر لمّا يخلص الحذف.

طلب حذف حساب 🗑️
بدي احذف حسابي من كوافيري.

الصالون: 
الاسم: 

رقم الدخول:

إذا إنت صاحب/ة الصالون: حساب صالونك وكل يلي فيه. صفحتك العامة وصورها، خدماتك وأسعارك ودوامك، سجلّ زباينك وملاحظاتهن، مواعيدك وتذاكر الدور، وحسابات فريقك على كوافيري. صفحتك بتنزل عن الإنترنت وبتوقف تطلع بالبحث وعالخريطة.

إذا إنت من فريق صالون: ينحذف حسابك إنت بس. صالونك وزباينو بيضلّو للصاحب، وهو فيه كمان يشيلك من صفحة «الفريق» بدون ما تنتظرنا.

الفواتير والوصولات وسجلّ دفعات الاشتراك بتضل محفوظة عنا كسجلّ مالي، لأنّ هاد شي لازمنا قانونياً ومحاسبياً وما فينا نحذفو بالطلب. ما بيضل فيها شي عن زباين صالونك، وما بتستعمل لأي شي تاني.

النسخ الاحتياطية المشفّرة بتضم بياناتك لفترة قصيرة بعد الحذف، لأنّها تلقائية ويومية، وبتنتهي لحالها بدورتها. ما منفتحها ولا منرجّع منها حساب محذوف.

منحذف خلال ٣٠ يوم من لحظة ما نتأكّد إنّ الطلب منك، وبالعادة أسرع من هيك بكتير. منبعتلك رسالة عالواتساب لمّا يخلص.

سجلّ زباينك ملكك، وفيك تنزّلو كملف CSV من صفحة الزباين قبل الحذف. بعد الحذف ما منعرف نرجّعو، لا نحنا ولا حتى إنت.

الحجز على كوافيري ما بيفتح حساب، فما عندك شي تحذفو من عندنا. الاسم والرقم يلي عطيتهن وقت الحجز محفوظين بسجلّ الصالون نفسو، والصالون هو يلي فيه يحذفهن. احكي معهن مباشرة، وإذا ما استجابوا راسلنا ونحنا منتابع معهن.

واتساب: +31 6 57079387

إيميل: [email protected]